Promovimi i nr 34 të Revistës "Mirdita " botuar me autorë kuksianë

Sot me datë 6 Maj 2022 ora 12.00 në një nga sallat e Pallatit të Kulturës "Hasan Prishtina" Kukës nga Këshilli i Qarkut Kukēs dhe Akademia e Arteve dhe Letrave Mirdita u organizua promovimi i nr 34 të Revistës "Mirdita " botuar me autorë kuksianë (Numër Special).
Ishin të pranishëm autorë librash, dashamirës të letërsisë dhe të artit, lexues , studjues, piktorë dhe qytetarë të ndryshëm.
Ceremonia u hap me njē këngë për Kukësin kënduar nga vëllezērit Lleshi dhe fjalën e hapjes e mbajti zn.j Vera Istrefi , kryetare e LSHA-së Kukës.

Dita e Dëshmorëve të Atdheut 5 Maj 2022

Sot me rastin e "5 Maji – Dita e Dëshmorëve të Atdheut", në varrezat e dëshmorëve në Kukës u organizua një ceremoni solemne.
Përshendetën ne këtë ceremoni z. Agim Braha Kryetar i OFD, z. Safet Gjici Kryetar i Bashkisē , z. Abdulla Domi Kryetar i Këshillit të Qarkut si dhe z. Zenel Kuçana Prefekt i Qarkut Kukës.
Në emër të Këshillit të Qarkut Kukës u vendos një kurorë me lule nga Kryetari i Këshillit z. Abdulla Domi dhe Sekretari i Këshillit z. Destan Spahiu.

Përurohet shtatorja e Pjetër Bogdanit në qytetin e Krumës 28.04.2022

Në qytetin e Krumës në Has u përurua vendosja e shtatores së Pjetër Bogdanit. Në përkujtim tē këtij dijetari të madh u zhvillua një simpozium kushtuar jetës dhe veprës së "Pjetër Bogdanit" si personalitet dhe patriot me përmasa kombëtare dhe ndërkombëtare në shkrimin e gjuhës shqipe.

Me këtë rast u përurua shtatorja e tij e ngritur nē qendër të qytetit të Krumës.

Dita e Tokes - Rëndesia e ruajtjes së Tulipanit Shqiptar

Sot në një nga sallat e Pallatit tē Kulturës Kukës në kuadër të Ditës Ndërkombëtare të Tokës u zhvillua një takim me përfaqësues nga MTM kryesuar nga Zv. Ministrja znj. Almira Xhembulla, Këshilli i Qarkut Kukës, AdZM Kukës, Bashkia Kukës dhe shumë aktorë te tjere të shoqërisë civile , banorē dhe familjarë të biologut të ndjerë Besnik Hallaçi.
Aktivitetin e hapi z. Arben Palushi Drejtor i Mjedisit dhe Turizmit pranē Bashkisë Kukës , dhe më pas përshëndeti të pranishmit edhe z. Abdulla Domi Kryetar i Këshillit të Qarkut Kukës.

23 vjetori i Eksodit Kosovar

23 vjetori i Eksodit Kosovar
Faleminderit të gjithë banorëve të Qarkut Kukësit për pritjen e paharrueshme që ju bēmë vëllezërve tanë kosovarë të cilëve u hapëm zemrat dhe vatrat.
Ndaj sot me rastin e 23 vjetorit tē Eksodit në emër të Këshilit të Qarkut Kukës ndjehemi krenar për mikpritjen dhe ngrohtësinë që dhuruam në ato kohë të vështira banorët e Qarkut tonë.
Qofshim të bashkuar përjetë shqiptarët kudo jemi e Zoti i bekoftë ato!

Asambleja e Rajoneve të Europës për zhvillimin e qëndrueshëm dhe kohezionin në shërbim të qytetarëve.

Me Asamblene e Rajoneve të Europës për zhvillimin e qëndrueshëm dhe kohezionin në shërbim të qytetarëve tanë.
Rajone të forta në shërbim të komunitetit ishte çështja kryesore e takimit për tre ditë, i cili bëri bashkë drejtuesit e Këshillave të Qarqeve të Shqipërisë, mbështetur nga Asambleja Europiane e Rajoneve dhe Konrad Adenauer Stiftung.
Roli i komunitetit në vendimmarrje, rritja e transparencës, fuqizimi i proçesit të decentralizimit, sfidat kryesore për qytetarët si politikbërës në nivel lokal- rajonal, bashkëpunimi rajonal u trajtuan në këtë takim.

Takim: Komiteti Menaxhimit të Zonave të Mbrojtura Mjedisore

Komiteti i Menaxhimit të Zonave të Mbrojtura Mjedisore zhvilloi sot me date 24.03.2022 një takim në ambientet e bar-hotel "Gjallica" në Kukës, ku u analizua puna e bërë për realizimin e objektivave sipas planit të menaxhimit si dhe me njohjen e rrjetit aktual të zonave të mbrojtura. Në këtë takim mori pjesë edhe Kryetari i Këshillit të Qarkut Kukës, njëherësh antar i këtij komiteti, i cili vlerësoi rëndësinë që ka për të gjithë Qarkun Kukës mbrojtja dhe mire-administrimi i këtyre resurseve natyrore në Qarkun tonë.

Mbledhja e rradhës e Këshillit të Qarkut Kukës 16.03.2022

Mbledhja e rradhës e Këshillit të Qarkut Kukës
Ditën e mërkurë datë 16 mars 2022 u zhvillua mbledhja e rradhës e Këshillit të Qarkut Kukës , ku u miratuan projekt-vendimet e mëposhtme :
1-Projekt-Vendim për "Miratimin e tavaneve të projekt-buxhetit afatmesëm 2023-2025.
2-Projekt-Vendim për miratimin e kontratës, ngritjen e njësisë së menaxhimit dhe bashkëfinancimin e projektit "Rritja e biodiversitetit në pellgun e lumit Drin përmes menaxhimit të integruar të pellgut ujëmbledhës-BIODRINI".

Menaxhimi i integruar i mbetjeve urbane

Organi Këshillues pranë Prefektit të Qarkut Kukës zhvilloi takimin me temë:
"Menaxhimi i integruar i mbetjeve urbane në Qarkun Kukës" si dhe masat e marra për mbajtjen pastër të mjedisit në kuadër të Planit Kombëtar të Pastrimit 2021-2022 "Të çlirojmë territorin nga mbetjet dhe ndotja mjedisore"
Në këtë takim morën pjesë Kryetari i Këshillit të Qarkut Kukës, Kryetari i Bashkisë Tropojë, Kryetari i Bashkisë Has, Drejtori i Policisë Vendore të Qarkut Kukës si dhe anëtarë te tjere të Organit Këshillues të Prefektit.

Pages