Me datë 17 Qershor 2022 në një nga sallat e Pallatit të Kongreseve në Tiranë u zhvillua konferenca e decentralizimit dhe performancës financiare, organizuar nga Ministria e Financave dhe Ekonomisë dhe Ministria e Brendshme.
Në këtë konferencë mori pjesë Kryeministri i Shipërisë z. Rama , Ministri i Brendshëm z. Çuci, Ministrja e Financave dhe e Ekonomisë znj. Ibrahimaj Kryetarët e Bashkive dhe ato të Këshillave të Qarqeve tê Republikës së Shipërisë.
Këshilli Qarkut Kukës në bashkëpunim me Bashkinë Tropojë zhvilluan sot një ceremoni me rastin e hapjes së sezonit turistik 2022.
- Merrnin pjesë Deputetja e Qarkut znj. Duraku, Kryetari i Bashkisē Tropojë z. Byberi, Kryetari i Bashkisë Has z. Morina, Nënprefekti i Tropojës z. Gosturani, këshilltarë bashkiak nga Kukësi, Hasi e Tropoja, qytetarë të Tropojës e të Kosovës, artistë të ardhur nga shumë treva shqiptare në "Sofra Dardane" e të ftuar të tjerē..
Të dashur bashkëqytetarë!
Ta ruajmē dhe ta mbrojmē mjedisin dhe shëndetin tonë dhe të brezave që do vijnë çdo ditë.
Nga sot me hyrjen në fuqi të ligjit që ndalon qeset plastike një-përdorimëshe, mbani gjithmonë me vete një çantë shumë-përdorimshe!
Në Institucionin e Prefektit të Qarkut Kukës sot u zhvillua ceremonia e kalimit të stafetës së Prefektit të Qarkut Kukës nga Z. Zenel Kuçana, i cili i dha frymë e vrrull ndryshe këtij institucioni me devotshmerinë e korrektësinë e tij, te Z. Ali Hallaçi, i cili do të zhvillojë edhe me tej këtë institucion dhe politikat e qeverisë nëpërmjet eksperiencës dhe pozitivitetit të tij !
Sot me datë 6 Maj 2022 ora 12.00 në një nga sallat e Pallatit të Kulturës "Hasan Prishtina" Kukës nga Këshilli i Qarkut Kukēs dhe Akademia e Arteve dhe Letrave Mirdita u organizua promovimi i nr 34 të Revistës "Mirdita " botuar me autorë kuksianë (Numër Special).
Ishin të pranishëm autorë librash, dashamirës të letërsisë dhe të artit, lexues , studjues, piktorë dhe qytetarë të ndryshëm.
Ceremonia u hap me njē këngë për Kukësin kënduar nga vëllezērit Lleshi dhe fjalën e hapjes e mbajti zn.j Vera Istrefi , kryetare e LSHA-së Kukës.
Sot me rastin e "5 Maji – Dita e Dëshmorëve të Atdheut", në varrezat e dëshmorëve në Kukës u organizua një ceremoni solemne.
Përshendetën ne këtë ceremoni z. Agim Braha Kryetar i OFD, z. Safet Gjici Kryetar i Bashkisē , z. Abdulla Domi Kryetar i Këshillit të Qarkut si dhe z. Zenel Kuçana Prefekt i Qarkut Kukës.
Në emër të Këshillit të Qarkut Kukës u vendos një kurorë me lule nga Kryetari i Këshillit z. Abdulla Domi dhe Sekretari i Këshillit z. Destan Spahiu.
Në qytetin e Krumës në Has u përurua vendosja e shtatores së Pjetër Bogdanit. Në përkujtim tē këtij dijetari të madh u zhvillua një simpozium kushtuar jetës dhe veprës së "Pjetër Bogdanit" si personalitet dhe patriot me përmasa kombëtare dhe ndërkombëtare në shkrimin e gjuhës shqipe.
Me këtë rast u përurua shtatorja e tij e ngritur nē qendër të qytetit të Krumës.
Sot në një nga sallat e Pallatit tē Kulturës Kukës në kuadër të Ditës Ndërkombëtare të Tokës u zhvillua një takim me përfaqësues nga MTM kryesuar nga Zv. Ministrja znj. Almira Xhembulla, Këshilli i Qarkut Kukës, AdZM Kukës, Bashkia Kukës dhe shumë aktorë te tjere të shoqërisë civile , banorē dhe familjarë të biologut të ndjerë Besnik Hallaçi.
Aktivitetin e hapi z. Arben Palushi Drejtor i Mjedisit dhe Turizmit pranē Bashkisë Kukës , dhe më pas përshëndeti të pranishmit edhe z. Abdulla Domi Kryetar i Këshillit të Qarkut Kukës.
23 vjetori i Eksodit Kosovar
Faleminderit të gjithë banorëve të Qarkut Kukësit për pritjen e paharrueshme që ju bēmë vëllezërve tanë kosovarë të cilëve u hapëm zemrat dhe vatrat.
Ndaj sot me rastin e 23 vjetorit tē Eksodit në emër të Këshilit të Qarkut Kukës ndjehemi krenar për mikpritjen dhe ngrohtësinë që dhuruam në ato kohë të vështira banorët e Qarkut tonë.
Qofshim të bashkuar përjetë shqiptarët kudo jemi e Zoti i bekoftë ato!
Me Asamblene e Rajoneve të Europës për zhvillimin e qëndrueshëm dhe kohezionin në shërbim të qytetarëve tanë.
Rajone të forta në shërbim të komunitetit ishte çështja kryesore e takimit për tre ditë, i cili bëri bashkë drejtuesit e Këshillave të Qarqeve të Shqipërisë, mbështetur nga Asambleja Europiane e Rajoneve dhe Konrad Adenauer Stiftung.
Roli i komunitetit në vendimmarrje, rritja e transparencës, fuqizimi i proçesit të decentralizimit, sfidat kryesore për qytetarët si politikbërës në nivel lokal- rajonal, bashkëpunimi rajonal u trajtuan në këtë takim.
Shqip
English
